ဒေတာအသုံးပြုသူများ

သန်းပေါင်းများစွာသော လူများသည် ကျွန်ုပ်တို့၏ platform များကို နေ့စဉ်အသုံးပြုကြပါသည်။ အလုပ်သမားများ၊ ဝန်ထမ်းများ၊ ကိုယ်ပိုင်အလုပ်လုပ်သူများနှင့် အလုပ်ရှာသူများသည် သူတို့၏ အလုပ်ဆိုင်ရာ အခွင့်အရေးများကို နားလည်ရန်၊ သင့်တင့်လျောက်ပတ်သောအလုပ်အကိုင် စံနှုန်းများကို သိရန်နှင့် လုပ်အားခများကို သင့်လျော်သည့်နယ်ပယ်အခြေအနေများနှင့် နှိုင်းယှဉ်ရန် ကျွန်ုပ်တို့၏ အချက်အလက်များကို ယုံကြည်စွာ အသုံးချကြသည်။ လူများသည် လစာညှိနှိုင်းမှုများတွင် အကူအညီရရန်၊ အလုပ်ဆိုင်ရာ အခွင့်အရေး တိုးတက်ရေးအတွက် advocacy အနေဖြင့်လည်း အချက်အလက်များကို အသုံးပြုလေ့ရှိပါသည်။

အလုပ်သမားသမဂ္ဂများ သို့မဟုတ် အလုပ်သမားကိုယ်စားလှယ်များသည် နေထိုင်မှုကုန်ကျစရိတ်နှုန်းနှင့် အလုပ်သမားဦးစားပေးမှုများ ကို ခွဲခြမ်းစိတ်ဖြာရန် ကျွန်ုပ်တို့နှင့် ပူးပေါင်းဆောင်ရွက်ကြသည်။ ကျွန်ုပ်တို့သည် အချက်အလက်အခြေခံ လူမှုဆိုင်ရာ စကားပြောဆိုမှုများ၊ ညှိနှိုင်းမှုဆွေးနွေးမှုများနှင့် စုပေါင်းသဘောတူညီချက်များအား အားကောင်းစေရန် အလုပ်သမားသမဂ္ဂများနှင့် ပူးပေါင်းဆောင်ရွက်ပါသည်။ ကျွန်ုပ်တို့၏ CBA ဒေတာဘေ့စ် တွင် - စည်းမျဉ်းသတ်မှတ်ချက်များ (clauses) ဥပမာများ၊ AI စသည့် နောက်ဆုံးထွက် ခေါင်းစဉ်အသစ်များပါ အပါအဝင် - ဖူလုံသည့်လုပ်အားခ ခန့်မှန်းချက်များ - Worker Priority Polls (အလုပ်သမားဦးစားပေးမှု စစ်တမ်းများ) တို့ကို အလုပ်သမားသမဂ္ဂများက အသုံးချကြသည်။

ကျွန်ုပ်တို့သည် အချက်အလက်အခြေခံ၍ ပိုမိုထင်ဟပ်သည့် ဆုံးဖြတ်ချက်များချနိုင်ရန် အစိုးရများနှင့် ပူးပေါင်းဆောင်ရွက်ပါသည်။ ကျွန်ုပ်တို့၏ ဖူလုံသည့်လုပ်အားခ ခန့်မှန်းချက်များ, Labour Rights Index, အနည်းဆုံးလစာ ဒေတာများ, ထို့အပြင် သင့်တင့်လျောက်ပတ်သောအလုပ်အကိုင်စစ်ဆေးခြင်း မှ စုဆောင်းထားသည့် ဒေတာများကို စောင့်ကြည့်ခြင်းနှင့် ဥပဒေပြင်ဆင်ရေးလုပ်ငန်းများတွင် အသုံးပြုလေ့ရှိပါသည်။

WageIndicator စတင်တည်ထောင်ချိန်မှစ၍ တက္ကသိုလ်များနှင့် သုတေသနအဖွဲ့အစည်းများ သည် အရေးပါသော မိတ်ဖက်များ ဖြစ်ပြီး ဒေတာ စုဆောင်းခြင်းနှင့် ခွဲခြမ်းစိတ်ဖြာခြင်း တွင် ပါဝင်ဆောင်ရွက်လေ့ရှိပါသည်။ ထို့အပြင် ကျွန်ုပ်တို့သည် စုပေါင်းညှိနှိုင်းသဘောတူညီချက်များ၊ အနည်းဆုံးလုပ်အားခ၊ အခကြေးငွေ နှင့် လုပ်ခလစာ၊ ကျွမ်းကျင်မှုများနှင့် လုပ်ငန်းအမျိုးအစားများ နေထိုင်မှုကုန်ကျစရိတ်နှင့် ဖူလုံသည့်လုပ်အားခများ အကြောင်း သုတေသနပြုရန် သုတေသနပညာရှင်များနှင့် ပူးပေါင်းဆောင်ရွက်ပါသည်။

နိုင်ငံတကာနှင့် ပြည်တွင်း ကုမ္ပဏီများသည် အနည်းဆုံးလုပ်အားခ စည်းမျဉ်းများကို လိုက်နာရန်၊ အလုပ်သမားများအတွက် ဖူလုံသည့်လုပ်အားခ မူဝါဒများ အကောင်အထည်ဖော်ရန် နှင့် ကြီးမားသော လုပ်ငန်းကွင်းဆက်များတွင် စည်းမျဉ်းများ လိုက်နာစေရန် ကျွန်ုပ်တို့၏ ဒေတာများကို အသုံးပြုကြပါသည်။ အလုပ်ရှင်များအဆင့်တွင်လည်း ကျွန်ုပ်တို့သည် သင့်တင့်လျောက်ပတ်သောအလုပ်အကိုင်စစ်ဆေးခြင်းမှ ရရှိသည့် ဝန်ထမ်းအမြင်အရ စစ်ဆေးချက်များ အချက်အလက်များကို မျှဝေခြင်းဖြင့် လူမှုဆိုင်ရာ စကားပြောဆိုမှုများနှင့် လုပ်ငန်းဆောင်ရွက်မှုများအား ပိုမိုအားကောင်းစေရန် ပူးပေါင်းဆောင်ရွက်ပါသည်။ ဤစစ်ဆေးချက်များသည် အလုပ်နေရာအတွင်း အန္တရာယ်များကို ဖော်ထုတ်ရန်၊ အရေးပေါ် ဦးစားပေးလုပ်ဆောင်ရန် နေရာများကို သတ်မှတ်ရန်နှင့် တာဝန်ယူမှုရှိသော စီးပွားရေးလုပ်ငန်းများ၏ အစိတ်အပိုင်းတစ်ခုဖြစ်သည့် ပတ်သက်ဆက်နွယ်သူများနှင့် အဓိပ္ပါယ်ရှိစွာ ချိတ်ဆက်ဆောင်ရွက်မှုကို မည်သို့လုပ်ဆောင်ရမည်ကို အထောက်အကူဖြစ်စေပါသည်။