Өгөгдөл-Хэрэглэгчид
Манай мэдээлэл хэрэглэгч болон түнш
Дэлхий даяар олон гэр бүл, хувь хүн, үйлдвэрчний эвлэл, ажил олгогч, ТББ болон компаниуд (жижиг, дунд аж ахуйн нэгжээс эхлээд хамгийн том олон улсын корпорациуд хүртэл) манай мэдээлэлд ихээхэн найдаж байдаг. Манай мэдээллийг илүү утга учиртай, үр дүнтэй хэрэглэх үүднээс бид олон бүлэгтэй хамтран ажилладаг.
Гэр бүл болон хувь хүмүүс
Сая сая хүн манай платформыг ашигладаг. Жишээлбэл, ажилчин, албан хаагч, хувиараа хөдөлмөр эрхлэгч, болон ажил хайгчид манай мэдээлэлд найдаж байдаг. Эдгээр мэдээлэл хүмүүст хөдөлмөрийн эрхийг ойлгох, зохистой ажлын стандартыг мэдэх, цалин нь салбарынх нь бусад цалинтай ямар уялдаатай байгааг ойлгоход тусалдаг. Хүмүүс ихэвчлэн энэ мэдээллийг цалингийн хэлэлцээр хийх, эрх зүйн байдлаа дээрдүүлэх чиглэлээр нөлөөллийн ажиллагаа явуулахад ашигладаг.
Үйлдвэрчний эвлэл болон ажилчдын төлөөлөгчид
Амьжиргааны өртгийн түвшинг задлан шинжлэх, ажилчдын нэн тэргүүний хэрэгцээг тогтоох чиглэлээр үйлдвэрчний эвлэл болон ажилчдын төлөөлөгчид бидэнтэй хамтран ажилладаг. Бид нотолгоонд суурилсан нийгмийн хэлэлцээ, тохиролцоо болон хамтын хэлэлцээрийг бэхжүүлэхийн тулд хамтран ажилладаг. Манай хамтын хэлэлцээрийн гэрээний (CBA) мэдээллийн сан, заалтуудын жишээ (AI зэрэг шинээр гарч буй сэдвүүдийг багтаасан), амьжиргаанд хүрэлцэхүйц цалингийн урьдчилсан тооцоо болон ажилчдын нэн тэргүүний хэрэгцээг тодорхойлох санал асуулгын мэдээллийг үйлдвэрчний эвлэл ашигладаг.
Засгийн газрууд
Бид ил тод байдлыг сайжруулах, нотолгоонд суурилсан шийдвэр гаргахын тулд засгийн газруудтай хамтран ажилладаг. Манай амьжиргаанд хүрэлцэхүйц цалингийн тооцоо, хөдөлмөрийн эрхийн индекс, цалингийн доод хэмжээний талаар мэдээлэл болон зохистой ажлын нөхцлийг тогтоох шалгалтуудаар цуглуулсан мэдээллийг хяналт тавих, эрх зүйн шинэчлэлийн үеэр ихэвчлэн ашигладаг.
Судалгаачид
WageIndicator үйл ажиллагаагаа эхэлснээс хойш их сургууль, судалгааны хүрээлэнгүүд нь мэдээлэл цуглуулах, задлан шинжлэхэд чухал түнш байсаар ирсэн. Мөн бид хамтын хэлэлцээр, цалингийн доод хэмжээ, цалин хөлс, ур чадвар, мэргэжил, амьжиргаанд хүрэлцэхүйц цалин тогтооход шаардлагатай академик болон бодлогын судалгаа явуулахын тулд хамтран ажилладаг.
Компаниуд
Компаниуд
Олон улсын болон дотоодын олон компани манай өгөгдлийг цалингийн доод хэмжээний талаарх хэм хэмжээг мөрдөж буй эсэхээ шалгах, өөрсдийн ажилтан, үйл ажиллагаа болон ханган нийлүүлэлтийн бүх сүлжээнд зориулсан амьжиргаанд хүрэлцэхүйц цалингийн бодлого боловсруулахад ашигладаг. Ажил олгогчийн түвшинд "зохистой ажлын нөхцөл бүрдсэн эсэхийг шалгах (ажилчны өнцгөөс хяналт тавих шалгалт) явцад цуглуулсан мэдээллийг хуваалцаж, нийгмийн хэлэлцээний үйл явцыг бэхжүүлдэг. Энэ нь эрсдэл хаана төвлөрч байгааг илрүүлж, ажлын байранд илүү төвлөрч, хүчин чармайлт гаргах зорилтоо тодорхойлж, хариуцлагатай бизнесийн дадал практикийн хүрээнд оролцогч талуудтай хэрхэн утга учиртай хамтран ажиллахыг нь тодорхойлдог.
Бид хэнтэй хамтран ажилладаг вэ? хар
Ажиллах хүчний зах зээлийн ил тод байдлыг бэхжүүлэх, цалингийн мэдээлэлд хандах боломжийг нэмэгдүүлэхэд бидэнтэй хамтран ажилладаг түншүүдийн талаар дэлгэрэнгүй мэдээлэл аваарай.
