Majukumu ya kifamilia
Likizo ya uzazi kwa Mwanaume/ baba
Sheria ya Ajira na Mahusiano Kazini 2004 inatoa likizo ya malipo ya uzazi kwa baba kwa angalau siku 3 (katika kipindi cha likizo cha miezi 12) kwa baba mgebi ikiwa likizi hii itachukuliwa katika siku 7 za kuzaliwa kwa mtoto.
Mwajiri anaweza kuhitaji uthibitishaji usio na shaka wa kuzaliwa kwa mtoto kabla ya kulipia likizo ya uzazi kwa baba. Mfanyakazi lazima awe ameajiriwa na mwajiri husika kwa kipindi kisicho pungua miezi sita katika miezi 12 kabla ya kuzaliwa mtoto au awe ameajiriwa kwa mkataba wa kazi maalumu na mwajiri husika.
Chanzo: § ya 34 ya Sheria ya Ajira na Mahusiano Kazini ya 2004; §8 ya Sheria ya Sheria ya Kazi (marekebisho), 2025; ISSA Nchi ya Tanzania,
Likizo ya malezi ya mtoto
Sheria haina kifungu kinacho elezea kwamba baba apewe likizo ya uzazi yenye malipo au isiyo na malipo.
Kazi mbadala zinazoruhusu kukidhi majukumu ya kifamilia kwa mfanyakazi mwenye mtoto mchanga
Hakuna kifungu cha sheria kinacho ruhusu mfanya kazi kukidhi mahitaji ya kazi na familia hususani anapokuwa na mtoto mchanga.
Hapo awali, sheria haikutaja kuhusu marekebisho wakati wa dharura (k.m. janga). Hakuna kifungu maalum kinachoruhusu kubadilisha saa za kazi, eneo la kazi, au masharti mengine, hata kama mgogoro (kama COVID-19) unaathiri sana usalama au mwendelezo wa kazi.
Chini ya Marekebisho ya 2025, kuna kifungu kipya cha kurekebisha mipangilio ya kazi wakati wa dharura. Waajiri na waajiriwa sasa wanaweza kukubaliana kwa pamoja juu ya masharti maalum ya kazi endapo kutatokea hali zisizo za kawaida kama vile milipuko ya magonjwa ya kuambukiza au dharura nyingine zinazotishia usalama wa waajiriwa au kuvuruga shughuli.
Chanzo: §16A ya Sheria ya Ajira na Mahusiano ya Kazi ya mwaka 2004
Likizo katika mazingira maalum
Kulingana na Marekebisho ya Sheria ya Ajira na Mahusiano ya Kazi ya 2025, mfanyakazi ana haki ya hadi siku 30 za likizo isiyo na malipo iwapo kutatokea dharura ya kibinafsi, janga, au mgogoro unaohusiana na familia. Inaweza kuongezwa zaidi kwa makubaliano ya pande zote.
Chanzo: §34A ya Sheria ya Ajira na Mahusiano ya Kazi ya mwaka 2004
Taratibu juu ya mfanyakazi na majukumu ya kifamilia
- Sheria ya Ajira na Mahusiano Kazini Sehemu ya 6 ya 2004 / Employment and Labour Relations Act, No. 6 of 2004
