Нашата историја

Историја на WageIndicator

Некогаш нашата прекрасна организација беше основана од две жени: новинарката Полиен Осе и проф. Кеа Тајденс. Патувањето започна во 1999 година со итна мисија: информациите за плати да бидат достапни за сите луѓе врз основа на нивното искуство, образование и потенцијал. Повеќето од информациите што тогаш беа достапни за плати и работни места беа наменети за високообразовани бели мажи на врвот на пазарот на трудот. За жените, самовработените, луѓето кои се грижат за децата или ја чистат вашата куќа, младите што влегуваат на пазарот на труд и за работниците со ниски и средни квалификации, оваа информација не беше достапна. И така се роди Лонвајзер (Loonwijzer) – првиот Индикатор за плати (WageIndicator) од многуте. Со едноставната Проверка на плата на Лонвајзер, апетитот порасна и наскоро се појавија повеќе Проверки на плата во повеќе земји. Во 2004 година, се проширивме во земји низ Европа, додавајќи веб-страници како што се ВотреСалер (VotreSalaire), Мојплат (Mojplat), Мојазарлата (Mojazarplata), МеуСаларио (MeuSalario) и ТуСаларио (TuSalario). Во 2006 година почнавме да собираме информации за минималната плата во Парагвај и Индија, бидејќи штом ќе соберете информации за платите за понискиот дел од пазарот на трудот, не можете доволно да ја нагласите важноста на минималните плати.

Изградба на најголемата светска база на податоци за минимална плата

Бидејќи Индија има еден од најсложените системи за минимална плата во светот, сметавме дека најдобро е да започнеме од таму. Сега ја имаме најголемата и најажурираната база на податоци за минимална плата во светот за 216 земји и територии. Во 2008 година, проектот "Одлуки за живот" нè натера да размислиме за податоците потребни во текот на животот на еден работник (особено за работничките). За да ја разбереме траекторијата на луѓето на пазарот на трудот, ни беа потребни сознанија за минималните плати, платите и законот. Со квиз за синдикалните работници во Мозамбик, ги започнавме нашиите први "Проверки за достоинствена работа" (Decent Work Check), што претставуваше преглед на работничките права што работниците можеа сами да ги проверат. Со тој првичен квиз, се разви глобалната база на податоци за работното право и нашата работа со "Проверки за достоинствена работа" (Decent Work Checks). Во 2012 година, тесно соработувавме со синдикатите и работодавачите во 12 африкански земји за да собереме, анализираме и коментираме колективни договори (КД). Ова беше клучно, бидејќи во многу земји колективните договори не беа дигитализирани ниту достапни за работниците и синдикатите. Потоа следуваше глобална база на податоци за колективни договори и систем за коментари што опфаќа илјадници теми и илјадници колективни договори во повеќето сектори на глобално ниво.

Од минимални плати до плати за достоинствен живот

Што се случува кога ќе побарате од трудов економист да пресмета плати за достоинствен живот за 100 земји? Тој вели: "Зошто да не?" И така во 2014 година ги пресметавме нашите први плати за достоинствен живот – за "само" 100 земји. Нашата методологија, како и нашите операции, многу се развија низ годините, од онлајн до претежно офлајн и собирање податоци рачно. Сега ги покриваме повеќето земји и региони во светот со нашата глобална база на податоци за плати за достоинствен живот и тим од над 400 собирачи на податоци. Нашите податоци за плати за достоинствен живот се јавно достапни, но исто така соработуваме со компании - големи и мали - за да се имплементираат платите за достоинствен живот во нивните сопствени операции и синџири на снабдување. Покрај тоа, обезбедуваме податоци за приход за сите земји и региони и го развивме концептот на тарифа на достоинсствен живот: плати за достоинствен живот за самовработените. Низ годините, Веиџиндикатор (WageIndicator) додаде многу имиња на своите операции: Gajimu, Paycheck, Twojezarobki, Rawateb, MyWage, Prake, MiSalario, Lontjek, Berbarometer, Iltuosalario, Luong, да споменеме само некои. Дополнително, додадовме теми, кодови и скрипти во нашите бази на податоци и комуникации, како што се за економијата на хонорарна работа и развојот на вештачката интелигенција.

Нашата тековна мисија

Нашата цел секогаш била иста: да обезбедиме информации и структура каде што ги немало, да ажурираме континуирано и да обезбедиме инклузивност и пристапност. Со здружување со академици, новинари и социјални партнери – што го правиме уште од првиот ден – продолжуваме да работиме кон транспарентност на пазарот на трудот за сите.