Gerard Depardieu

ჟერარ ქსავიე მარსელ დეპარდიე — ფრანგი კინომსახიობი. თამაშობს ფართო სპექტრის როლებს განსხვავებული ჟანრების ფილმებში: კომედიებში, მელოდრამებში, კოსტიუმირებულ ისტორიულ ფილმებში, კლასიკურ დრამატულ რეპერტუარში, აბსურდულ ექსპერიმენტებში. საბჭოთა კავშირში ერთ-ერთი ყველაზე პოპულარული უცხოელი მსახიობი იყო ჟან-პოლ ბელმონდოსა და ალენ დელონთან ერთად. პოპულარობა ძირითადად სამმა ფილმმა მოუტანა, სადაც კომედიურ დუეტშია პიერ რიშართან: „უბედონი“ (1981), „მამიკოები“ (1983), „გაქცეულები“ (1986).