Collective Bargaining Agreement

ኖቫስታር ጋርመንት ፋብሪካ ኃ/የተ/የግል/ማህበር

እና

በመሠረታዊ የሠራተኛ ማህበር መካከል 

ለሁለተኛ ጊዜ የተደረገ የህብረት ስምምነት

ማውጫ

ይህ የህብረት ስምምነት ስለ ሠራተኛ ጉዳይ በወጣው ጉዳይ አዋጅ ቁጥር 377/1996 መሠረት “አሰሪ” እየተባለ በሚጠራው በኖቫስታር ጋርመንት ፋብሪካ ኃ/የተ/የግ/ማህበር ሠራተኞች ማህበር መካከል ዛሬ 14/03/2009 (እ/ኤ/አ) ተፈርሟል፡፡ 

አንቀጽ አንድ

የስምምነቱ ዓላማ

ይህ የህብረት ስምምነት ቀጥሎ የተዘረዘሩትን ዓላማዎች ያካትታል፡፡

1. የድርጅቱን ህልውና እና አቋም እንዲሁም የሠራተኛውን መብት መጠበቅ ማጠናከርና ማሳደግ፣ 
2. የድርጅቱን ዓላማ ግብ እንዲመታ ማድረግ፣
3. የድርጅቱን የሥራ ዘዴዎች እየተሻሻሉ ዘመናዊ አቋም እንዲኖረው ማድረግ፣ 
4. የዲሲፒሊንና የቅሬታ አቀራረብ ሥነ ሥርዓትን በግልት ለማሽቀመፅ፣ 
5. በድርጅቱ ውስጥ የሰው ጉልበት፣ ጥሬ እቃ፣ መሣሪያዎችና ገንዘብ በሚገባ በሥራ ላይ የሚውልበትን መንገድ መሻት፣
6. የሠራተኞች ጤንነት ደህንነት መጠቢያ ዘዴዎን መሠሪያዎችን የሚሻሻሉበትን መንገድ መፈለግ፣ 
7. ለሠራተኞች የሚያስፈልጉ ልዩ ልዩ አገልግሎቶች ስለሚደራጁት ሁኔታ መወሰን፣ 
8. በሠራተኛው መካከል የውድድርና የሥራ ፍላጎት መንፈስ እንዲያድግ በሥራ ብልጫ ለሚያሳዩ ሠራተኞች የማበረታቻ ዘዴ እንዲፈጠር ለማድረግ፣ 
9. ሠራተኛው የድርጅቱን እቅድና ክንውን ለመገምገም የመብትም የግዴታም ጉዳይ መሆኑን ለመጠቆም፣ 
10. የኢንድስትሪ ሰላም እንዲሰፍን ለማድረግ፣ 

አንቀጽ ሁለት

ትርጉም /ትርጓሜ/

1. ድርጅት ወይም አሰሪ ማለት ኖቫስታር ጋርመንት ፋብሪካ ኃ/የተ/የግ/ማህበር የሠራተኞች ማህበር ነው፡፡ 
2. ሠራተኛ ማህበር ማለት ኖቫስታር ጋርመንት ፋብሪካ ኃ/የተ/የግ/ማህበር መሠረታዊ የሠራተኞች ማህበር ነው፡፡ 
3. ሠራተኛ ማለት በአሰሪና ሠራተኛ ጉዳይ አዋጅ ቁጥር 377/1996 አንቀጽ 2/3 የተሰጠው ትርጉም የሚኖረው ሲሆን የድርጅቱ ዋና ሥራ አስኪያጅ የአስተዳደር ሥራ አስኪያጅ፣ የንግድ ሥራ አስኪያጅ የፋይናንስ ሥራ አስኪያጅ የምርትና ቴክኒክ ሥራ አስኪያጅ፣ (የጥራት ቁጥጥር አገልግሎት ኃላፊ) የኦዲት አገልግሎት ኃላፊ እንዲሁም ለወደፊት የሚፈጠሩ ተመሳሳይ የሥራ ኃላፊዎችን አይጨምርም፡፡ 
4. የተጣራ ትርፍ ማለት ታክስ ከተቀነሰ በኋላ ያለው ትርፍ ነው፡፡ 
5. አዋጅ ማለት የአሰሪና ሰራተኛ ጉዳይ አዋጅ ቁጥር 377/1996 ነው፡፡ 
6. ሚኒስቴር ማለት የሠራተኛና ማህበራዊ ጉዳይ ሚኒስቴር ነው፡፡ 
7. ደመወዝ ማለት አንድ ሠራተኛ በሥራ ጊዜው በደንቡ መሠረት አስፈቅዶ ለመቅረት የሚያስችለው ሁኔታ ነው፡፡ 
8. ፈቃድ ማለት በዚህ የህብረት ስምምነት በተደረገው መሰረት ሰራተኛው ደመወዝ እየተከፈለው ወይም ሳይከፈለው ከመደበኛ የስራ ጊዜው በደንቡ መሰረት አስፈቅዶ ለመቅረት የሚያስችለው ሁኔታ ነው፡፡ 
9. የጉዳት ካሳ ማለት ከስራ ጋር ግንኙነት ባለው ሁኔታ በሠራተኛው ላይ ለደረሰው አደጋ የሚከፈል ካሳ ማለት ነው፡፡ 
10. ትርፍ የሥራ ሰዓት ማለት በዚህ የህብረት ስምምነት ከተወሰነው መደበኛ የሥራ ሰዓት ውጭ ሰራተኛው የሰራበት/ የሚሰራው ሰዓት ማለት ነው፡፡ 
11. ከሥራ ጋር ግንኙነት ያለው አደጋ ማለት ሠራተኛው በምድብ ሥራው ላይ እያለ በስራው ላይ እያለ በሥራው ምክንያት የሚደርስ አደጋ ነው፡፡ 

አንቀጽ ሶስት

መብትና ግዴታ /መብትና የውዴታ ግዴታ/

የድርጅቱ /የአሰሪና የውዴታ ግዴታ መብት/

በዚህ ህብረት ስምምነትና በአሰሪና ሠራተኛ ጉዳይ አዋጅ 377/96 ድንጋጌዎች መንፈስ ድርጅቱ ከሥራ ውል በመነጨ የሰራተኛውን የሥራ እንቅስቃሴና ክንውን የመምራት የማስተዳደርና የመቆጣጠር ሥራውን ለማሰራት እቅድ ለማውጣትና ለመፈጸም እንዲሁም ሠራተኞችን ለመቅጠር ለማዘዋወርና ህጋዊ የሥነ ሥርዓት እርምጃ ለመውሰድ ወዘተ ያለውን መብት ማህበሩ ያውቃል፡፡ 

እንዲሁም አስፈላጊ ሆኖ ሲገኝ በአሰሪና ሠራተኛ ጉዳይ አዋጅ ቁጥር 377/1996 አንቀጽ 29 ተራ ቁጥር 3 መሠረት ሰራተኛ ለመቀነስ መብት አለው፡፡ 

2. ድርጅቱ /የአሰሪ ግዴታዎች/

ድርጅቱ ሠራተኞችን በሚመለከቱ የመንግስት ህጎች፣ አዋጆች መመሪያዎች እንዲሁም በህብረት ስምምነቱ ውስጥ የተመለከቱትን ሁሉ በሚገባ ያከብራል፡፡ 

ከዚህ በላይ በተመለከተው አጠቃላይ አነጋገር ሳይወሰን ድርጅቱ የሚከተሉትን ግዴታዎች ይኖሩታል፡፡

1. የሠራተኞች ጤንነትና ደህንነት እንዲሁም ሰብዓዊ ክብር ለመጠበቅ ተገቢ ጥንቃቄዎች ያደርጋል፡፡ 
2. ሠራተኞች በሙያም ሆነ በእውቀት እንዲሻሻሉ ከሚደረግ መንግስትም ሆነ የግል ድርጅት ጋር ይተባበራል፡፡ 
3. ማንኛውም ሠራተኛ የማህበሩ አባል ወይም የሥራ አመራር ተካፋይ በመሆኑ ድርጅቱ /አሰሪው በመሆኑ ምክንያት /በማህበሩ/ሥራ ተጽዕኖ /አድእሎ/ አያደርግበትም፡፡ 
4. ሊከፍል የተስማማበትን ደመወዝና ሌሎች ጥቅማ ጥቅሞች በወቅቱ መክፈል አለበት፡፡ 
5. በህግ ወይም በዚህ የህብረት ስምምነት ሠራተኛው ያገኘውን ህጋዊ መብት ሚጥስ ወይም ሊቀንስ የሚል ማንኛውንም ተግባር በተዘዋዋሪም ሆነ በቀጥታ መንገድ አይፈጽምም እንዲሁም በማህበሩ ላይ ህገ ወጥ ተግባር መፈጸም የለበትም፡፡  
6. ሠራተኛው መብትና ተግባር ግዴታውን እንዲያውቅ ከማህበሩ ጋር በመመካከር አስፈላጊውን ሁሉ ያደርጋል፡፡ 
7. ለድርጅቱ ሥራ አስፈላጊ የሆኑ እቃዎችን አሟልቶ ያቀርባል፡፡ 
8. እያንዳንዱ ሠራተኛ የሚሰራውን ሥራና የኃላፊነቱን ወሰን የሚያሳይ የሥራ መደብ ዝርዝር መግለጫ ያዘጋጃል፡፡ የሚያዘጋጀውም የስራ ዝርዝር በስራ መደቦች ላይ የተመሰረተ ይሆናል፡፡ 
9. ከሰራተኛው ቁጥጥር ውጭ በመሳሪያው አለመስተካከል ወይም አለመሟላት ወይም ብልሽት የሰራተኛው አለመሆኑ በባለሙያው ከተረጋገጠ ሠራተኛውንም አያስጠይቀውም /አያስቀጣውም/፡፡ 
10. ሌሎች በሕግ የተደገፈ እርምጃዎች እንደ ሁኔታው የመውሰድ መብቱ እንደተጠበቀ ሆኖ ሠራተኛው ለመስራት ዝግጁ ሆኖ ነገር ግን ድርጅቱ ከአቅሙ በላይ በሆነ ችግር ምክንያት ሥራ ባይሰጠው ለሠራተኛው ደመወዝ ይከፈለዋል፡፡ 
11. የሠራተኛ ቅነሳ በአሰሪና ሠራተኛ ጉዳይ አዋጅ ቁጥር 377/1996 አንቀጽ መሠረት እንደገና ታይቶ እንዲፈፀም ያደርጋል፡፡ 
12. በሥራና በሰራተኛው ላይ ችግር ሲደርስ ወይም ያደርሳል ተብሎ ሲገመት ድርጅቱ ከማህበሩ ጋር አስቸኳይ ስብሰባ አድርጎ መፍትሔ እንዲገኝለት ያደርጋል፡፡ 
13. በድርጅቱ ጥፋት ወይም ግዴለሽነት በሠራተኛው ላይ ለሚደርሰው አደጋ ወይም በሽታ ድርጅቱ ተጠያቂ ነው፡፡ 
14. በድርጅቱ ማንኛውንም ሠራተኛ በሚመለከት በዚህ ህብረት ስምምነት የተጠቀሱትን ጉዳዮች ማህበሩ ሳያውቅ ለማሻሻል ለመሰረዝ ወይም ለመለወጥ አይችልም፡፡ 
15. በድርጅቱ ውስጥ የሚገኙትን ማንኛውም የውስጥ እድገት ከሰራተኛ ማህበሩ አመራር ጋር በጋራ በመወያየት እድገት የሚያገኝበትን ሁኔታ ያመቻቻል፡፡ 
16. ሠራተኛው በሥራ ላይ ከሥራ ወደ ቤት ወይም ከቤት ወደ ሥራ ሲመለስ በሥራ ምክንያት ለሚደርስበት አደጋ የሚባክነውን ሰዓት በተመለከተ አሠሪው ተገቢውን ሁኔታ ያመቻቻል፡፡ 

አንቀጽ 4

የማህበሩ መብትና ግዴታ

4.1. የማህበሩ መብት 

4.1.1. ማህበሩ ማንኛውንም ሠራተኛ በሚመለከት በዚህ ህብረት ስምምነት ውስጥ የተጠቀሱትን ጉዳዮች ከድርጅቱ ወይም ከአሰሪው ጋር በመነጋገር ለማሻሻል፣ ለመሰረዝ ወይም ለመለወጥ ይቻላል፡፡ 

4.1.2. በዚህ ህብረት ስምምነት ውስጥ የተመለከቱትንም ሆነ ወይም ከስምንነቱ ውጪ ሊያጋጥሙ ስለሚችሉ ማናቸውም የሥራ ሁኔታዎች ሠራተኛውን ወክሎ ከአሰሪው ጋር የሚነጋገር ሠራተኛ ማህበሩ መሆኑን ድርጅቱ ያውቃል፡፡ 

14.1.3. የማህበሩ የሥም አመራር አባል የሆነ ማንኛውም ሠራተኛ መደበኛ ሥራውን በማያውክ ሁኔታ በማህበሩ ሥራ እንቅስቃሴ ላይ ያለ ተጽዕኖ ተካፋይ መሆን ይችላል፡፡ 

4.1.4. ሠራተኛውን በሚመለከት መግለጫዎችን በቅድሚያ ድርጅቱ በቅድሚያ ድርጅቱንና ማህበሩ በመነጋገር ምርትን በማይጎዳ ሁኔታ ቀኑን ይወስናሉ፡፡ 

4.1.5. ለማህበሩ ተግባር አባሎችን ለመሰብሰብ ሲያስፈልግ በቅድሚያ ድርጅቱንና ማህበሩ በመነጋገር ምርትን በማይጎዳ ሁኔታ ቀኑን ይወስናሉ፡፡ 

4.2. የማህበሩ ግዴታ 

4.2.1. ሠራተኛው የህብረት ስምምነቱን አንቀጾች ትርጉም እንዲረዳ አስፈላጊውን ሁሉ ያደርጋል፡፡ 

4.2.2. ይህን ህብረት ስምምነት ለማሻሻል ወይም ስለአዳዲስ የሥራ ሁኔታ ለውይይት አሠሪው የሚያወጣቸውን አስፈላጊው የሆኑ መመሪያዎችንና እቅዶን ለማስፈጸም ለሚያደርገው ሁሉ ማህበሩ ድጋፍና ትብብር ያደርጋል፡፡ 

4.2.3. የህብረት ስምምነት ህጎችንና መንግስታዊ መመሪያዎችን መሰረት በማድረግ አሰሪው የሚያወጣቸውን አስፈላጊ የሆኑ መመሪያዎን እቅዶን ለማስፈጸም ለሚያደርገው ሁሉ ማህበሩ ድጋፍና ትብብር ያደርጋል፡፡ 

4.2.4. በድርጅቱና በሠራተኛው መካከል ቅሬታ የሚፈጠር ውዝግብ አሉባልታ እንዳይነሳ ጥረት ያደርጋል፡፡ 

4.2.5. በመንግስት የሚወጡት ልዩ ልዩ መመሪያዎች ሠራተኛው በቀና መንፈስ እንዲቀበለው ያደርጋል፡፡ 

4.2.6. የፋብሪካው ምርት እንዲዳብር አስፈላጊውን ሁሉ ያደርጋል፡፡ 

አንቀጽ አምስት

የሠራተኛው ግዴታዎች

ማንኛውም የድርጅቱ ሠራተኛ በአሰሪና ሰራተኛ አዋጅ ቁጥር 377/1996 በአንቀጽ 13፣14/2፣98 እና 94 የተገለጹ ግዴታዎችን ማክበሩ እንደተጠበቀ ሆኖ ከዚህ በታች የተመለከቱትን ግዴታዎች የማክበርና የመፈጸም ኃላፊነት አለበት፡፡ 

5.1. ስለ አሰሪና ሠራተኛ ጉዳይ የወጣውን አዋጅ፣ ደንቦች ይህን የህብረት ስምምነት እንዲሁም በዚህ ህብረት ስምምነት መሠረት ወደ ፊት የሚወጡትን ማሻሻያዎችንና የህብረት ስምምነቱን ሳይቃረን አሰሪው በየጊዜው የሚያወጣቸውን መመሪያዎች ማክበርና ሥራ ላይ ማዋል አለበት፡፡ 

5.2. ሠራተኛው ለተቀጠረበት ሥራ መላ ጉልበቱንና ችሎታውን በመስጠት የድርጅቱ የሥራ ውጤት እንዲዳብር በትጋትና በጥንቃቄ መስራት አለበት፡፡ 

5.3. ሠራተኛው ችሎታው እስኪፈቀድለት ድረስ ከድርጅቱ የተሰጠውን የሥራ መመሪያ ወይም የተመደበበትን ሥራ በሚገባ መፈጸም አለበት፡፡ 

5.4. ሠራተኛው ሥራውን ለማከናወን የሚጎልባቸውን የደንብ ልብስ ወይም የሥ ልብስ ወይም ማንኛውንም መሳሪያ ወይም እቃ በጥሩ ሁኔታ መጠበቅና መያዝ አለበት፡፡ 

5.5. የድርጅቱን የሥነ ሥርዓተ ደንቦች ማክበር አለበት፡፡ 

5.6. የራሱን የሥራ ጓደኛውንና ማንኛውንም የአሰሪውን ንብረት ሊጎዳ የሚችል አደጋ ከመፈፀም እራሱን መግታት አለበት፡፡ 

5.7. የራሱን፣ የሥራ ጓደኛውንና በማንኛውም እንግዳ ሰው ላይ ጉዳት የሚያስከትል ድንገተኛ አደጋ የሥራ ክፍሉ በሚሰጠው መመሪያ መሰረት በማንኛውም ጊዜ እርዳታውን ማበርከት አለበት፡፡ 

5.8. በቅድሚያ ድርጅቱን ካላስፈቀደ በስተቀር የአሰሪው ንብረት የሆነውን ማንኛውንም የድርጅቱን መሳሪያ ወይንም ሀብት ለግል ጥቅሙ መገልገል የለበትም፡፡ 

5.9. በስካር መንፈስ ስራ ላይ መገኘት የለበትም፡፡ 

5.10. ሁልጊዜ የራሱንና የድርጅቱን ስም መጠበቅና መልካም ጠባይ ይዞ መገኘት አለበት፡፡ 

5.11. በአሰሪው ወይም በሰራተኛው ማህበር መካከል አለመግባባት የሚፈጥር ሀሰተኛ ወሬ እና ጠብ ለማንሳት ወይም ፀብ እንዲነሳ ከመሞከር መቆጠብ አለበት፡፡ 

5.12. ለድርጅቱ ሥራ ሲባል ደመወዝን፣ ጥቅምንና ደረጃውን የማይነካ ሆኖ ሲገኝ የሥራ ትዕዛዝ የመቀበልና የማክበር ግዴታ አለበት፡፡ 

5.13. ፈቃድ ለመጠየቅ የሚያስችል ከቁጥጥር ውጪ የሆነ ምክንያት ካላጋጠመው በስተቀር ከክፍሉ ሳያስፈቅድ ከሥራ መቅረት የለበትም ችግር ገጥሞት ከቀረ የቀረበትን ምክንያት በቂ የጽሁፍ ማስረጃ ማቅረብ አለበት፡፡ 

5.14. ማንኛውም ሰራተኛ በስራ ጊዜ የክፍል አለቃውን ሳያስፈቅድ ከስራ ቦታው ተነስቶ መዘዋወር የለበትም፡፡ 

5.15. ማንኛውም ሰራተኛ የተሰጠውን የሥራ ልብስ በስራው ላይ ለብሶ መገኘት አለበት፡፡ ከግቢ ውጪም ከሥራ ጋር ባልተያያዘ ሁኔታው የስራ ልብሱን ለብሶ መገኘት የለበትም፡፡ 

5.16. በድርጅቱ ወይም በድርጅቱ መሳሪያዎች ላይ፣ በሰራተኛው ደህንነትና ጤንነት ላይ ጉዳት የሚያደርስ ሁኔታ ሲያጋጥም ወዲያውኑ ለቅረብ አለቃው ማሳወቅ አለበት፡፡ 

5.17. በአጠቃላይ በአሰሪና ሠራተኛ አዋጅ ቁጥር 377/19996 

አንቀጽ 13 ተራ ቁጥር 1 – 7 

አንቀጽ 14 ተራ ቁጥር 2 

አንቀጽ 93፣ 94፣ 157 እና 158 መብትና ግዴታ አፈጻፀማቸውን እንዲያከብሩ ማድረግ አለበት፡፡     

አንቀጽ ስድስት

ሠራተኛ ለማህበር አባልነት የሚያደርገው መዋጮ 

ሠራተኛው ለማህበሩ ሊያደርግ የተስማማውን መዋጮ ከሠራተኛ ማህበሩ በደረሰው ስም ዝርዝር መሰረት ድርጅቱ ከእያንዳንዱ ሠራተኛ ደመወዝ በመቁረጥ ለማህበሩ የተሰበሰበውን ገንዘብ በቼም ያስረክባል፡፡ ማህበሩም ለድርጅቱ ህጋዊ ደረሰኝ ይሰጣል፡፡ 

አንቀጽ ሰባት

ስለ ሰራተኛ ቅነሳ

በአሰሪና ሰራተኛ ጉዳይ አዋጅ ቁጥር 377/1996 አንቀጽ 28 የተመለከቱት ሁኔታዎች ሲያጋጥሙ ፋብሪካው የሠራተኛ ቅነሳ ማድረግ ይችላል፡፡ ቅነሳ የሚያደርገው በዚሁ አዋጅ አንቀጽ 29 መሰረት ነው፡፡ 

አንቀጽ ስምንት

የሥነ ሥርዓት እርምጃዎች

8.1. ያለማስጠንቀቂያ ከሥራ የሚያሰናብቱ ከባድ ጥፋቶች ከአሰሪና ሠራተኛ ጉዳይ አዋጅ ቁጥር 377/1996 አንቀጽ 27 በተጨማሪ አንድ ሠራተኛ ቀጥሎ የተመለከቱትን ጥፋቶች ለመፈጸሙ በማስረጃ ከተረጋገጠ ያለማስጠንቀቂያ ከሥራ ይሰናበታል፡፡ 

8.1.1. የድርጅቱን ንብረት ወይም ገንዘብ መስረቅ እምነት ማጎደል 

8.1.2. በድርጅቱ ውስጥ ተቀጥሮ በሚሰራበት ጊዜ የሃሰት ወረቀት ወይም የሃሰት የገንዘብ ማስረጃ ሰነዶች ማቅረብ 

8.1.3. በድርጅቱ መሳሪያና እቃ ላይ ሆን ብሎ ወይም በከባድ ቸልተኝነት ጉዳት ማድረስ/ ወይም ለማድረስ መሞከር/ 

8.1.4. በስራ ቦታ ሲጋራ ማጨስ 

8.1.5. የድርጅቱ ተሽከርካሪ ለግል ጥቅም የተገለገለ ወይም ሶስተኛ ወገን እንዲገለገልበት ማድረግ 

8.1.6. የመንጃ ፈቃድ ከሌለው ግለሰብ ሆነ መንጃ ፈቃድ ኖሮት ላልተፈቀደለት ሰው ተሸከርካሪ መስጠት 

8.1.7. የፋብሪካውም ምርት ገበያ እንዲቀጣ በግልፅ ማጥላላት 

8.1.8 ጉቦ መስጠት ወይም መቀበል 

8.1.9. የፋብሪካው ጥቅም የሚጎዳ ሚስጥር ማውጣትና መናገር ለማይገባው ሰው መንደር ወይም የፋብሪካውን ህልውና የሚነካ ሚስጥር ማባከን 

8.1.10. አጥር ሾልኮ ወይም ከመደበኛ መግቢያና መውጫ በር ውጪ ወደ ፋብሪካ መግባት ወይም መውጣት በፋብሪካው ቅጥር ግቢ ዝሙት መፈጸም ወይም ለመፈጸም መሞከር 

8.1.11. ሠራተኛውን ለአድማ ማነሳሳትና ሁከት እንዲፈጠር ማድረግ፡፡

8.2. በሥነ ሥርዓት ጉድለት ላይ ስለሚወሰዱ እርምጃዎች የወጣ መመሪያ 

አንቀጽ ዘጠኝ

የቅጣት የጊዜ ገደብ

9.1. በአንቀጽ 8 ተራ ቁጥር 2 ከተመለከቱት ቀላል ጥፋቶች አንዱን አጥፍቶ ከተቀጣ በኋላ እስከ 1 ዓመት ድረስ ሌላ ጥፋት ካላጠፋ ቅጣቱ ይሰረዝለታል፡፡ ሆኖም ከ6 ወር ጊዜ ውስጥ የቅርብ አለቃው በጎ አስተያየት ስለሰራተኛው በጽሁፍ ካቀረበ ቅጣቱ ሊነሳለት ይችላል፡፡ መረጃው ግን ከማህደሩ አይወጣም፡፡ 

9.2. በአንቀጽ 8 ከተዘረዘሩት ውጭ ለሚፈፀሙ ጥፋቶች ከተዘረዘሩት ጥፋቶች ጋር በማመዛዘን ተመጣጣኝ ቅጣት ይወስዳል፡፡ 

9.3. አንድ ሠራተኛ በአንድ የጥፋት ዓይነት ቅጣት ከተቀጣ በኋላ በ1ዓመት ጊዜ ውስጥ በሌላ ጥፋት ላይ ቢገኝ የጥፋቱ ክብደት ታይቶ ሌሎች ተመሳሳይ እርምጃዎች ይወስድበታል፡፡ 

አንቀጽ አስር 

የሥነ ሥርዓት እርምጃዎች 

አጥፊ ሠራተኛ የሚገኝበት ክፍል የሥራ ኃላፊ ለሚያቀርበው የሥነ ሥርዓት እርምጃ ጥፋቶች በመረጃ ተደግፈው ሲቀርቡ ቅጣቱ በአስተዳደር መምሪያ ሥራ አስኪያጅ የሚወሰን ሲሆን የሥራ ስንብቱ ግን በዋና ሥራ አስኪያጅ ይሆናል፡፡  

አንቀጽ አስራ አንድ 

የቅሬታ አቀራረብ ሥነ ሥርዓት 

• የቅሬታ አቀራረብ ሥነ ሥርዓት በሚከተለው ሁኔታ ይፈጸማል፡፡ 

ዓላማው በቅጣት ላይ ብቻ ያተኮረ እንዳልሆነና ሠራተኛውን የድርጅቱ ጎጂና ጠቃሚ አካሄድ በነጻነት ሀሳብን በማሸራሸር በመጠቀም ተሳታፊ አድርጎ የባለቤትነት ስሜት ለመፍጠር 

1. አንድ ሠራተኛ በተወሰደበት እርምጃ ወይም በሌላ ሁኔታ ቅሬታ ከተሰማው ውሳኔው በደረሰው በሶስት ቀን ውስጥ ለማህበሩ በማሳወቅ እርምጃ ለወሰደበት ኃላፊ ቅሬታውን ያቀርባል፡፡ 
2. ቅሬታው የቀረበለት ኃላፊ በሶስት ቀን ውስጥ የበኩሉን ውሳኔ ይሰጠዋል፡፡ ቅሬታ አቅራቢ አሁንም ቅሬታው ካልተወገደለት በሶስት ቀን ውስጥ ለአስተዳደር መምሪያ ያቀርባል፡፡ ኃላፊውም በአምስት ቀን ውስጥ ውሳኔ ይሰጣል፡፡  
3. በመምሪያ ደረጃ የተወሰዱ እርምጃዎች ላይ የሚነሱ ቅሬታዎች በዋና ሥራ አስኪያጅ የመጨረሻ ውሳኔ ይሰጣል፡፡ 
4. በንዑስ አንቀጽ 11.1 እና 11.2 የቅሬታ አቀራረብ ደንብ እንደገለጸው ቅሬታ አቅራቢ በጊዜ ገደብ ቅሬታውን ካላቀረበ ቅጣቱን እንደተገለፀው ቅሬታ አቅራቢ በጊዜው ገደብ ቅሬታውን ካላቀረበ ቅጣቱን እንደተቀበለ ውሳኔ ሰጪው በጊዜው ገደብ ካልሰጠ ቅጣቱ እንደተነሳ ይቆጠራል፡፡ 

አንቀጽ አስራ ሁለት 

የደረጃ እድገት 

12.1. በድርጅቱ ውስጥ ክፍት የሥራ መደብ ሲኖር አሠሪው በውስጥ ማስታወቂያ ለሠራተኛው ማሳወቅ አለበት፡፡ ለሥራ መደቡ መስፈርቱን የሚያሟሉ ሠራተኞችን መርጦ ያወዳድራል፡፡ 

12.2. የደረጃ እድገት ያገኘ ሠራተኛ ለቦታው መነሻ ተብሎ የተወሰነውን ደመወዝና ሌሎች ጥቅማ ጥቅሞች ያገኛል፡፡ 

12.3. የሠራተኞች የደረጃ እድገት ውድድር ውጤት እኩል ከሆ በጽሁፍ ወይም በተግባር ፈተና ተወዳድሮ ውሳኔ ይሰጣል፡፡ 

12.4. በደረጃ እድገት ወደ ከፍተኛ የሥራ ቦታ ለሚመደብ ሠራተኛ የሙከራ ጊዜ አይኖርም፡፡ 

12.5. አሠሪው ለክፍት የሥራ መደቡ ከድርጅቱ ውስጥ ብቁ ሠራተኛ ካጣ ከውጭ አዲስ ሠራተኛ ይቀጥራል፡፡ 

12.7. አሠሪው በሚቋ ቁመው የደረጃ እድገት ኮሚቴ በሚቀርበው የውሳኔ ሃሳብ መሰረት ዋና ስራ አስኪያጅ የመጨረሻ ውሳኔ ይሰጣል፡፡ የደረጃ እድገቱም ከፀደቀበት ጊዜ ጀምሮ ይፀናል፡፡ 

12.8. የደረጃ ዕድገት ኮሚቴ አባላት 

12.8.1. በሰው ሀብት ልማት ዋና ክፍል ኃላፊ የወከለ ሰብሳቢ 

12.8.2. የደረጃ እድገት የሚሰጥበት መምሪያ ሥራ አስኪያጅ ወይም አገልግሎት ኃላፊ አባል፡፡ 

12.8.3. የሠራተኛ ማህበር ተወካይ አባል በቁጥር 2

12.8.4. ድርጅቱ የሚወክለው ፀሃፊ ድምጽ አልባ አንድ ሰው 

12.9. የደረጃ እድገት መወዳደሪያ በሚከተለው መሠረት ይሆናል፡፡  

ሀ. ለአገልግሎት 20 ነጥብ 

ለ. የተግባር/ ፈተና 30 ሆኖ የተግባር /የጽሁፍ/ ፈተና ሲሰጥ ተወዳዳሪው ለሚቀጥለው ወድድር ለመቅረብ ቢያንስ የማለፊያውን ነጥብ 60/100 ማግኘት አለበት፡፡ 

ሐ. ሥራ አፈጻጸም 15 ሆኖ ለመወዳደር ሁለት ተከታታይ የሥራ አፈጻጸም ውጤት 2.5 ወደ 3 እንዲሻሻል መሆን አለበት፡፡ የትምህርት ደረጃ 2.5 ወደ 3 እንዲሻሻል 

ሠ. የግል ማህደር 10 

12.10. አንድ ሠራተኛ ለድርጅቱ እድገት መወዳደር የሚችለው በድርጅቱ ውስጥ ቢያንስ የአንድ ዓመት አገልግሎት ከሰጠ በኃላ ነው፡፡ ዝርዝር አፈጻጸሙ በመመሪያው መሰረት ይሆናል፡፡  

አንቀጽ አስራ ሶስት

ዝውውር 

13.1. ድርጅቱ ሠራተኞችን ከአንድ የሥራ ክፍል ወደ ሌላ የሥራ ክፍል ሊያዘዋውር የሚችለው በተመሳሳይ ደረጃና ደመወዝ ሆኖ ዝውውሩም ሠራተኛው በአዋጅና በህብረት ስምምነት ሊያገኝ የሚገባውን ጥቅም የማይነካ ካልሆነ ብቻ ነው፡፡ 

13.2. አንድ ሠራተኛ በህመም ምክንያት በሥራ ውል ከተመለከተው የተለየ ሥራ እንዲሠራ ሀኪም ሲያዝ ድርጅቱ ወደ ሌላ የሥራ መደብ አዛውሮ ይሰራል፡፡ 

13.3. ነፍሰጡር ሴት የምትሰራበት ሥራ ለጤናዋ የማያመች መሆኑ በሃኪም ሲረጋገጥ በአሰሪና ሰራተኛ ጉዳይ አዋጅ ቁጥር 377/1996 አንቀጽ 87 እና 88 መሠረት ይፈጸማል፡፡ 

13.4. ድርጅት በአንድ የሥራ ክፍል ትርፍ የሰው ኃይል ሲኖረውና ማዘዋወሩ ለሥራው የሚጠቅም መሆኑን ሲያምንበት የሠራተኛውን ደረጃ ደመወዝና ጥቅም ሳይቀንስ ወደ ሌላ የሥራ ክፍል አዛውሮ ሊያሰራ ይችላል፡፡ 

አንቀጽ አስራ አራት 

ሥልጠና 

አንቀጽ አስራ ስድስት 

ፍሬያማነት 

16.1. አሠሪውና የሠራተኛው ማህበር በድርጅቱ ውስጥ ከፍተኛ የሥራ ቅልጥፍና እንዲሁም ጥሩ የሥራ ውጤት እንዲገኝ ከፍተኛ ጥረት ያደርጋሉ፡፡ 

16.2. በሠራተኛ ላይ የውድድርና የሥራ ፍላጎት መንፈስ እንዲዳብር በስራቸው ብልጫ የሚያሳዩ ሠራተኞችን አሰሪው ያበረታታል፡፡ በውጤት ላይ የተመረኮዘ የማበረታቻ ሥርዓትም ተግባራዊ ለማድረግ ከማህበሩ ጋር በመተሳሰር ይሠራል፡፡  

የሙከራ ጊዜ ገደብ ከተፈጸመበት ጊዜ ገደብ ከተፈጸመበት ጊዜ ገደብ ጀምሮ በቋሚነት እንደተቀጠረ ይቆጠራል፡፡ 

አንቀጽ አስራ ሰባት

የምስክር ወረቀት

17.1. አንድ ሠራተኛ የሥራ ውሉን ሲያቋርጥ ድርጅቱ የምስክር ወረቀት ይሰጠዋል፡፡ 

17.2. የምስክር ወረቀቱ ቀጥሎ የተመለከቱትን ነጥቦች ይይዛል፡፡ 

ሀ. የሠራተኛውን ስም  መ. የአገልግሎት ዘመን 

ለ. የሥራውን ዓይነት  ሠ. የሚያገኘው ደመወዝ 

ሐ. የሥራ ቦታው  ረ. ሥራ የለቀቀበት ምክንያት

በተጨማሪም በድርጅቱ ውስጥ ሲያገለግል ከደመወዝ የከፈለው ታክስና ከደመወዙ የተቀነሰ የጡረታ መዋቾ ተቀንሶ ይጻፍለታል፡፡ 

17.3. የሚሰጠው የምስክር ወረቀቱን የተሰናባቹ ፎቶግራፍ የተለጠፈበትና የድርጅቱ ማህተም የታተመበትን መሆን አለበት፡፡ 

17.4. ማንኛውም ሠራተኛ የምስክር ወረቀቱን ከመውሰዱ በፊት የድርጅቱን ንብረትና ሰነድ መመለስ አለበት፡፡ 

17.5. በሥራ ላይ እያለ የአገልግሎት ማስረጃ ደእንዲጻፍለት የሚጠይቅ ሠራተኛ በንዑስ አንቀጽ 2 በተገለፀው መሠረት የአገልግሎት ማስረጃ የምስክር ወረቀት በዓመት ከሁለት ጊዜ ሳይበልጥ ተጽፎ ሊሰጠው ይችላሉ፡፡

አንቀጽ ሃያ ሁለት 

የሳምንት የእረፍት ጊዜ  

• ማንኛውም ሠራተኛ በአሰሪና ሠራተኛ ጉዳይ አዋጅ ቁጥር 377/1996 አንቀጽ 69 እና 70 መሠረት በ7 ቀናት ውስጥ ያልተቆራረጠ ከ24 ሰዓት የማያንስ የሣምንት እረፍት ያገኛል፡፡ 

2. ልዩ ፈቃድ 

ሀ. ጋብቻና ችግር ሲያጋጥም የሚሰጥ ፈቃድ 

ሠራተኛ ህጋዊ ጋብቻ ሲፈጽም ከክፍያ ጋር ለ3 የሥራ ቀናት ፈቃድ ይሰጠዋል፡፡ እንዲሁም ሠራተኛ በድንገት ለሚገጥመው ችግር ወይም ሁኔታ ደመወዝ የማይከፈልበት እስከ 10 ቀን ፈቃድ ይሰጠዋል፡፡ 

ለ. ለማህበር ሥራ የሚሰጥ ፈቃድ 

የሠራተኞች ማህበር መሪዎች የሥራ ክርክር ለማቅረብ የህብረት ስምምነት ለመደራደር በማህበሩ ስብሰባ ለመገኘት በሴሚናሮች በሥልጠና ለመካፈል እንዲችሉ ከክፍያ ጋር ፈቃድ ይሰጣቸዋል፡፡ ይኸውም ሥራውን በማይበድል ሁኔታ በቅድሚያ ለአሰሪው አሳውቆ አሠሪው ሁኔታዎችን ገምግሞ ፈቃድ ሲሰጥ ብቻ ነው፡፡ 

ሐ. ልዩ ተግባሮች ለማከናወን ለሠራተኛው የሚሰጥ ደመወዝ የሚከፈልበት ፈቃድ በአሰሪና ሠራተኛ ጉዳይ አዋጅ ቁጥር 377/1996 አንቀጽ 83 መሠረት ፈቅዷል፡፡ 

መ. በትምህርት ክትትል ድርጅቱ ልዩ እገዛ ወይም ድጋፍ ያደርጋል፡፡ 

ሠ. ተጠቃሚው ሠራተኛ ዋስትና ለድርጅቱ 

3. ስለማስታወቂያ 

በአንቀጽ 24 ንዑስ አንቀጽ 2 መሰረት ፈቃድ ለመውሰድ የሚፈልግ ሠራተኛ በቅድሚያ ለአሰሪው ማስታወቅና ፈቃድ ማግኘቱን ማረጋገጥ አለበት፡፡ 

አንቀጽ 25 

የህክምና ፈቃድ 

1. የህክምና ፈቃድ ጊዜ 

1. አንድ ሠራተኛ የሙከራ ጊዜውን ከጨረሰ በኋላ በስራ ላይ በሚደርስበት ጉዳት ሳይሆን በሌላ ህመም ምክንያት ሥራ ለመሥራት ካልቻለ በዚህ አንቀጽ መሰረት የህመም ፈቃድ ያገኛል፡፡ 
2. በዚህ አንቀጽ ንዑስ አንቀጽ/1/ የተመለከተው ፈቃድ ህመሙ ከደረሰበት የመጀመሪያ ቀን አንስቶ ባለው 112 ወር ጊዜ ውስጥ በተከታታይ ወይም በተለያዩ ጊዜያት ቢወስድም በማንኛውም ሁኔታ ከስድስት ወር አይበልጥም፡፡ 
3. ማንኛውም ሠራተኛ በህመም ምክንያት ከሥራ ሲቀር አሠሪው ስለሁኔታው ሊያውቅ የሚል ወይም ሠራተኛው ለማስታወቅ የማይችል ካልሆነ በቀር በማግሥቱ ለአሰሪው ያሳውቃል፡፡ 
4. ማንኛውም ሠራተኛ የህመም ፈቃድ የሚያገኘው በመንግስት የህክምና ድርጅት እና በሪፈር ወደ ግል ህክምና ተገቢ የሆነ የህክምና ወረቀት ሲያቀርብ ነው፡፡ 
5. ስለ ክፍያ 
6. በአንቀጽ 25.1 የተጠቀሰው የህመም ፈቃድ ቀጥሎ በተመለከተው ሁኔታ ይሰጣል፡፡ 

1. ለመጀመሪያ ወር ከሙሉ ደመወዝ ክፍያ ጋር 100 ፐርሰንት 
2. ለሚቀጥለው ሁለት ወራት ከደመወዝ ሃምሳ በመቶ ክፍያ ጋር 50 ፐርሰንት 
3. ለሚቀጥሉት ሶስት ወራት ያለ ክፍያ በነጻ 

2. በዓመት እረፍት ላይ ያለ ሠራተኛ ታሞ ሆስፒታል ሲገባ በሆስፒታል ውስጥ የቆየበትን ከዓመት ፈቃድ ላይ መቀነስ የለበትም፡፡ 

አንቀጽ ሃያ ሰባት

የሐዘን ፈቃድ

የሠራተኛው የትዳርጓደኛ አባት እናት ልጅ የልጅ ልጅ አያት ወንድም እህት ወይም የባል ወይም የሚስት አባት እናት ልጅ የልጅ ልጅ ወንድም እህት አያት ሲሞትበት ከክፍያ ጋር የሶስት የሥራ ቀናት ፈቃድ ይሰጣል፡፡ 
1. የሠራተኛው አክስት አጎት የእህት ልጅ የወንድም ልጅ ሲሞት ሁለት ቀን ፈቃድ ከደመወዝ ጋር ይሰጣል፡፡ 
2. አስፈላጊ ሆኖ ከተገኘ ሠራተኛው የሞተበት ዘመድ ስለመሞቱ ማስረጃ አቅርብ ሲባል ማቅረብ አለበት፡፡ 
3. ሠራተኛው በሀዘን ላይ እያለ ልዩና አሳሳቢ ሁኔታ ቢያጋጥመው የዓመት ፈቃድ ከሌላው ደመወዝ የማይከፈልበት ለ5 (አምስት) ቀን ፈቃድ ይሰጣል፡፡ 
4. በተራ ቁጥር 1 የተጠቀሰው የሠራተኛው ዘመዶች ከአዲስ አበባ ውጭ የሞተበት እንደሆነ እንደቦታው ርቀት እስከ 10 ቀን ደመወዝ የማይከፈልበት ፈቃድ ይሰጠዋል፡፡ 
5. የሠራተኛው ቤተሰብ ሲሞት ድርጅቱን በመወከል ከ5 ያልበለጡ ሰዎች ምርትን በማይጎዳ ሁኔታ ለቀብር በማህበሩ አማካኝነት ይላካሉ፡፡ 

አንቀጽ ሰላሳ

የአደጋ መከላከያ የደንብ ልብስ 

1. በሠራተኛው ላይ በሥራ ቦታ አደጋ እንዳይደርስበትና ከሥራ ጋር ግንኙነት ባለው አደጋ ሲሆን ሠራተኛውም ድርጅቱ ወይም አሰሪው የሚሰጠውን የአደጋ መከላከያና የደንብ ልብስ በጥንቃቄ በሥራ ጊዜ ብቻ መገልገል ግዴታው ነው፡፡ 
2. በየክፍሉ ሊሰጥ የሚገባው የደንብ ልብስና መከላከያዎች 

1. ለቆረጣ ኃላፊ ለቆረጣ ሱርቫይዘር በስድስት ወር አንድ ጊዜ አንድ ካኪ ካፖርትና አንድ ጥንድ የአገር ውስጥ ቆዳ ጫማ ይሰጣል፡፡ 
2. ለጨርቅ ቆራጭ፣ ለርሳስ፣ ለቆራጭ ረዳት በዓመት አንድ ካኪ ካፖርት በስድስት ወር አንድ ጥንድ የአገር ውስጥ የቡናኝ መከላከያና የእጅ ጓንት 
3. ለቁጥጥር ሰጭና አከፋፋይ 
4. በስድስት ወር አንድ ካኪ ካፖርት ይሰጣል፡፡ 

3. ለግምጃ ቤት ሠራተኛ 

1. ለመጋዘን ኃላፊዎች ሠራተኞች እንዲሁም ለጉልበት ሠራተኞች በስድስት ወር አንድ ካኪ ካፖርት ይሠጣል፡፡ አንድ ቆዳ የአገር ውስጥ ጫማ ይሰጣል፡፡ 
2. ለጉልበት ሠራተኞች በተጨማሪ በወር አንድ ጊዜ አንድ የልብስ ሳሙና ይሰጣል፡፡ 

4. ለቴክኒክ አገልግሎት ኃላፊ 

1. ለቴክኒክ አገልግሎት ኃላፊ 

በስድስት ወር አንድ ካኪ ካፖርት በዓመት አንድ ጥንድ የአገር ውስጥ ቆዳ ጫማ ይሰጣል፡፡ 

2. ለመካኒኮች፣ ለኤሌትሪክሻያኖችና ኦይለር በዓመት አንድ ካኪ ካፖርትና ቱታ አንድ ጥንድ የአገር ውስጥ ቆዳ ጫማ ይሰጣል፡፡ እንዲሁም በወር አንድ ሳሙና ይሰጣል በጋራ የሚያገለግሉ የፍንጣሪ መከላከያ መነጽር፣ የቆዳና የፕላስቲክ የእጅ ጓንት ይዘጋጃል፡፡ 
3. ለቴክኒክ ፀሃፊ /ለምርት ፀሃፊ/ ለምርት ክትትል ኃላፊ በዓመት አንድ ካኪ ካፖርት ይሰጣል፡፡ 

5. ለቢሮ ተላላኪዎች /ለጽዳት ሠራተኞች/

1. ለሴቶች ጽዳት ሠራተኞች

6. ለጥበቃ ኃላፊና ጥበቃ ሠራተኞች 

1. በዓመት አንድ ጥንድ የአገር ውስጥ ቆዳ የሥራ ጫማ ፖሊስተር ካኪ የሆነ አንድ ጉርድ ቀሚስ ኮትና መለዩ ወይም ኮት ሱሪና መለዩ እንዲሁም ድርጅቱ ከሚያመርተው የአገር ውስጥ ጨርቅ አንደኛ ደረጃ የተመረተ ሸሚዝ ይሰጣል፡፡ 
2. በ3ዓመት እንድ ጊዜ ለብርድ መከላከያ የሚሆን የሱፍ ካፖርትና የዝናብ ልብስ ይሰጣል፡፡ 

7. ለሽያጭ ሰራተኞች አንድና ሁለት ጉርድ ቀሚስና ኮት ፖሊስተር ካኪና ሸሚዝ ድርጅቱ
8. ከሚያመርተው የአገር ውስጥ የሸሚዝ ጨርቅ አንደኛ ደረጃ የተመረተ እንዲሁም አንድ ጥንድ የአገር ውስጥ ጫማ ይሰጣል፡፡ 
9. ለልብስ ሰፊዎች ለልብስ ተኳሾች ክር ቆራጮችና አጣፊዎች በዓመት አንድ የሥራ ልብስ ይሰጣል፡፡ 
10. ለመዝገብ ቤት ሰራተኛና ሰዓት ተቆጣጣሪ 

በዓመት አንድ ካኪ የሥራ ካፖርት ይሰጣል፡፡ 

11. ለዲዛይን ቤት አገልግሎት ኃላፊና ዲዛይነር 

1. ለዲዛይነር አገልግሎት ኃላፊ 

በዓመት አንድ የሥራ ካፖርት ይሰጣል፡፡ 

2. ለዲዛይነር 

በዓመት አንድ የሥራ ካፖርት ይሰጣል፡፡  

12. ለነርስና ጤና ረዳት

1. ነርስ 

በዓመት አንድ ነጭ ቴትሮን የሥራ ካፖርት ይሰጣል፡፡ 

2. ለጤና ረዳት 

በዓመት አንድ ፖሊስተር ካኪ የሥራ ካፖርት ይሰጣል፡፡ 

አንቀጽ ሰላሳ አራት

የሻይ ቤትና የስፖርት ክበብ

ድርጅቱ ባለው አቅም ለሠራተኞች አገልግሎት የሚውል አንድ ሻይ ክበብ ያዘጋጃል፡፡ እንደ አስፈላጊነቱም የሻይ ቤቱ አስተዳደር በድርጅቱ እና በማህበሩ አመራር በኩል ይሆናል፡፡ 

በኮሚቴው ሲመራ 

• ከማኔጅመንቱ 
• ከመ.ሠ.ማህበሩ 
• ከጠቅላላ ሠራተኛ 

አንቀጽ ሰላሳ አምስት

በፍርድ ስለሚታሰሩ ሠራተኞች

በፍርድ የሚታሰሩ ሠራተኞች ጉዳይ በአሰሪና ሠራተኛ ጉዳይ አዋጅ ቁጥር 377/1996 አንቀጽ 27/በ/መሠረት ይፈጸማል፡፡ በድርጅቱና በማህበሩ ኮሚቴ ግምገማ በሚቀርብ የውሳኔ ሀሳብ መሠረት ይፈጸማል፡፡ 

አንቀጽ ሰላሳ ስድስት 

ስለመልእክት   

1. አንድ ሠራተኛ በሥራ ላይ እያለ በቤተሰብ ላይ ችግር መድረሱ ከተነገረ ድርጅቱ መልዕክቱን ለሠራተኛው ያስተላልፋል፡፡ 
2. በድርጅቱ አድራሻ ለሰራተኞች የሚመጡትን ድብዳቤዎች ተቀብሎ ለሰራተኛው ይሰጣል፡፡ 

አንቀጽ ሰላሳ ሰባት 

ልዩ ልዩ ጥቅሞች 

1. ሰራተኛው የፋብሪካውን ውጤት ለመግዛት ሲፈልግ ድርጅቱ ቅድሚያ ሰጥቶ ይሸጥለታል፡፡ 
2. በመደበኛ የስራ ቀን እና በትርፍ ስራ ሰዓት ሲታዘዝ ወደ ስራ ሲገባና ሲወጣ ድርጅቱ ሰርቪስ አገልግሎት ይሰጣል፡፡ ሰርቪስ አገልግሎት የማያቀርብ ከሆነ ግን ትራንስፖርት ታሪፍ መሰረት ሂሳቡን ይከፍላል፡፡ 
3. ድርጅቱ በአመት ሁለት ጊዜ እንደሁኔታው እያየ ከድርጅቱ ምርት በዱቤ ለሰራተኛው ይሸጣል፡፡ ከቆረጣ ክፍል የወዳደቁ ትልታይ ጨርቆችና ጨርቅ ተጠቅልሎ ሚጠባቸው ማዳበሪያዎች፣ ቱቦ፣ ጆንያ፣ ወ.ዘ.ተ ለሰራተኛው ማህበሩ እንደ አስፈላጊነቱ በነፃ ይሰጣል፡፡ 
4. ድርጅቱ በሚያስራቸው ሁሉም ሰራተኛን ይሸፍናል፡፡ 
5. ግን ድርጅት ሰራተኞች የጡረታ አዋጅ ዋስትና ቁጥር 715/2003 ድርጅቱና ማህበሩ በጋራ ይተገበራሉ፡፡ 

አንቀጽ ሰላሳ ዘጠኝ

አመታዊ ብድር

39.1. እያንዳንዱ ሰራተኛ ብድር በፈለገ ጊዜ በቂ ዋስትና ማቅረብ የሚችል የድርጅቱን ሰራተኛ ዋስ በመጥራት በአንድ ዓመት ከፍሎ የጨረሰው የሁለት ወር ደመወዝ በብድር ይሰጠዋል፡፡ ሆኖም የብድሩ አጠቃላይ መተን ከብር 80.00 ሰማንያ ሺህ ብር አይበልጥም፡፡ 

39.2. የሰራተኛው ችግር ተመልክቶ ብድር ሚፈቅድ ከድርጅቱና ከሰራተኛው ማህበሩ ተውጣጣ ኮሚቴ ነው፡፡ 

39.3 ብድር የሚሰጠው ሰራተኛ በድርጅቱ ቢያንስ የአንድ ዓመት አገልግሎት መስጠት አለበት፡፡ 

አንቀጽ አርባ

ለጊዜው ስለሚደረግ እገዳ

እገዳ በአሰሪና ሰራተኛ ጉዳይ አዋጅ ቁጥር 377/1996 አንቀጽ 18 መሰረት አለበት 

አንቀጽ አርባ አንድ

የስራ ውል ሲቋረጥ ስለሚደረግ ክፍያ

ስራ ውል ሲቋረጥ ማድረግ ክፍያ በአሰሪና ሰራተኛ ጉዳይ አዋጅ ቁጥር 377/1996 መሰረት ይሆናል፡፡ 

አንቀጽ አርባ ሁለት 

የደመወዝ ቅነሳ 

ሰራተኛው ደመወዝ መቀነስ የሚቻለው በአሰሪና ሰራተኛ ጉዳይ አዋጅ ቁጥር 377/1996 አንቀጽ 59 ተራ 1 እና 2 መሰረት ነው፡፡ 

አንቀጽ አርባ ሶስት 

የአደጋ ጊዜ 

የአደጋ ጊዜ በአሰሪና በሰራተኛ ጉዳይ አዋጅ ቁጥር 377/1996 አንቀጽ 162 ከ1 እስከ 5 ባለው መሰረት ተፈጻሚ ይሆናል፡፡  

አንቀጽ አርባ አራት 

ስራ ማቆምና መዝጋት 

ስራ ማቆምና መዝጋት በአሰሪና በሰራተኛ ጉዳይ አዋጅ ቁጥር 377/1996 አንቀጽ 157 እና 158 መሰረት ተፈፃሚ ይሆናል፡፡  

አንቀጽ አርባ አምስት 

የህጎች አፈፃፀም 

የህጎች ውጤት በአሰሪና ሰራተኛ አዋጅ ቁጥር 3777/1996 በተሻሻለው አዋጅ ቁጥር 494/98 በተገለጸው መሰረት ይሆናል፡፡ 

አንቀጽ አርባ ስድስት 

ስምምነቱን ስራ ላይ ስለማዋልና የሚፀናበት ጊዜ 

በድርጅቱ በኩል  በሰራተኛ ማኅበር በኩል

እማኞች በድርጅቱ በኩል  እማኞች በሰራተኛ በኩል 

1. ______________ 1. ______________
2. ______________ 2. ______________
3. ______________ 3. ______________” ቀቀቀቀቀቀ